Ya Haqo Tala,
tora eskerao, zonena ke derezayê de mı esto. Domanêna hode rınd bi, rındek bi. Eke bi pil rae ra wejiya, xerepiya. Bi xınckın, bi adır nişt mara. Cıra sa vana vaze, nêvındeno. Vera some ma gos keno, dıma some paskulo erzeno. Ğeletiye kerde wortê mıletê ma. Mılet verda pê. Her roza Haqi qewğa esta. Mıllet son sodır zuvina mılqi keno, welenge dero. Wu ve ho ki kose de nişto ro seyr keno.
Ya Haq, ma destê derezayê mıde mendime. Bime bê çare. Endi ameyme çêvere to. Tora cor endi kes çino. Na Rozê Xızır de tora mınete keme. Ma na noletmey dest ra bıxelesne. Hona ke na dina de ma dest ra nêşiyo, mara bıze bere lê ho. Tenê ki tı cıre wayirêni bıke. İnam nêken hama, belkâ ki yeno ra ho.
Ya Haq, ha beno ke tı ki cıra qefeliya, êy dest de menda , taqate ra kêwta. Serve ho kena ke, hetê ma ser merusne. Venga Xızıri de, venga Duzgı de. Tene ki lê dinede bıxecelnê. Tı zonena, derezayê mı tornê Duzgıniyo. Tu ve Xızıri ra ke endi êyde bas nêkerd, bere verê çêverê Duzgıni de giredê, uza ca verde. Duzgı ve tornê hora endı se kene bıkere.
Tahsin Tekin
26 Şubat 2024
tora eskerao, zonena ke derezayê de mı esto. Domanêna hode rınd bi, rındek bi. Eke bi pil rae ra wejiya, xerepiya. Bi xınckın, bi adır nişt mara. Cıra sa vana vaze, nêvındeno. Vera some ma gos keno, dıma some paskulo erzeno. Ğeletiye kerde wortê mıletê ma. Mılet verda pê. Her roza Haqi qewğa esta. Mıllet son sodır zuvina mılqi keno, welenge dero. Wu ve ho ki kose de nişto ro seyr keno.
Ya Haq, ma destê derezayê mıde mendime. Bime bê çare. Endi ameyme çêvere to. Tora cor endi kes çino. Na Rozê Xızır de tora mınete keme. Ma na noletmey dest ra bıxelesne. Hona ke na dina de ma dest ra nêşiyo, mara bıze bere lê ho. Tenê ki tı cıre wayirêni bıke. İnam nêken hama, belkâ ki yeno ra ho.
Ya Haq, ha beno ke tı ki cıra qefeliya, êy dest de menda , taqate ra kêwta. Serve ho kena ke, hetê ma ser merusne. Venga Xızıri de, venga Duzgı de. Tene ki lê dinede bıxecelnê. Tı zonena, derezayê mı tornê Duzgıniyo. Tu ve Xızıri ra ke endi êyde bas nêkerd, bere verê çêverê Duzgıni de giredê, uza ca verde. Duzgı ve tornê hora endı se kene bıkere.
Tahsin Tekin
26 Şubat 2024